طبعك عجيب يا إنسان

أمرك غريب يا إنسان!
تنهش لحم خيّك
تذبح فرح خيّك
تسلخ ظهر شعبك
وتقول: ما لي نياب! وعندي وجع أسنان؟!
حيرني أمرك يا إنسان
قلبي مع الغلبان
يفطر على الزعتر
يتغذى شو توفر
يتعشى عالزيتون مع لقمة من الطابون
بيشكر الحنان المنان
يبقى غريب هالإنسان!
والله غريب وقلبي على بلدي
عالضفة وعسقلان
والقدس وبيسان
وفخامة الحيوان أبو سنان
عم يفطر
كابتشينو وشهد رمان
وعشاك يا ابو سنان ع ...
غزة وكبد عنزة
والضفة؟ تمزمزها مع الكافيار
وتتحلى ع يافا مع الباذان
يا حسره ما لك ناب بس.. اسنان
والله مسكين
يا فاني
يا جاني
يا ابو الغرابة والعجب
طبعك عجيب يا إنسان
طبعك غريب يا إنسان..